Glóðuð lúða með rækjusósu

Uppskriftin er fyrir 6, ca 2,5 g kolvetni í hverjum skammti

900 g smálúðuflök eða rauðsprettuflök
salt og pipar
1 msk matarolía
4 dl. rjómi
1/2 grænmetisteningur
4 msk. smurostur
1/2 tsk. sítrónupipar
1 dl. rækjur
1/2 búnt ný steinselja, söxuð

1. Leggið hreinsuð flökin á smurðan álpappír eða í smurt ofnfast fat. penslið með olíu og sáldrið pipar yfir. Látið bíða á meðan sósan er gerð.

2. Hitið rjómann og grænmetiskraftinn að suðu. Bræðið smurostinn í rjómanum.

3. Sáldrið salti yfir fiskinn og setjið undir glóð í miðjan ofn og glóðið þar til hann hefur fengið fallegan lit og er gegnsteiktur í u.þ.b. 5-7 mínútur.

4. Setjið rækjurnar út í sósuna rétt áður en hún er borin fram og skreytið með steinselju.

Grillaður skötuselur með beikoni

Uppskriftin er fyrir 4, 0 g kolvetni í hverjum skammti

800 g skötuselur
beikonsneiðar
tannstönglar til að halda rúllunum saman

1. Skerið skötuselinn í ca 1 cm þykkar sneiðar.

2. Vefjið beikonsneið utan um hvert stykki og festið með tannstöngli.

3. Grillið á grilli eða í ofni.

4. Gott að bera fram með bökuðum kartöfluhýðum og fersku grænmeti.