Rækjukokteill

Uppskriftin er yrir 4, ca 1 g kolvetni í hverjum skammti:

400 g rækjur
safi úr 1/2 sítrónu
1 piparostur
0,5 dl vatn
1,5 dl rjómi
lambhagasalat
svartur kavíar til skrauts

1. Setjið salatblöðin í fjórar skálar.

2. Hellið safanum yfir rækjurnar og setjið þær í skálarnar.

3. Brytjið piparostinn smátt og bræðið í vatni við vægan hita. Bætið rjómanum út í og látið malla í smá stund.

4. Hellið svo sósunni yfir rækjurnar og skreytið með smá kavíar.

Hörpuskelsfreisting

Uppskriftin er fyrir 4, ca 3 g kolvetni í hverjum skammti

20 stk. hörpuskelfiskur
100 g frosnar rækjur
2 1/2 dl mysa
1/2 hvítlaukssmurostur
rjómi eftir smekk

1. Sjóðið skelfiskinn í mysunni í ca. 3 mínútur. Færið hann upp úr og geymið til hliðar.

2. Bræðið smurostinn í soðinu og bætið í rjóma að smekk.

3. Bætið skelfisknum og rækjunum út í og sjóðið í nokkrar mínútur. Má salta örlítið í restina.