Ungversk gúllassúpa (án kartaflna)

Uppskriftin er fyrir 6, ca 10 g kolvetni í hverjum skammti

8-900 gr nautagúllas
2 rauðlaukar
3 hvítlauksrif
3 msk olía til steikingar
1,5 msk paprikuduft
1,5 L vatn
2 msk kjötkraftur eða 2 teningar
1 tsk. kúmenfræ
1-2 tsk. meiran
3-4 gulrætur
2 paprikur
4-5 tómatar eða 1 dós niðursoðin (400 gr)

1. Saxið lauka og pressið hvítlauksrif. Steikið kjötið í olíunni í potti ásamt lauk og hvítlauk.

2. Stráið paprikuduftinu yfir kjötið og bætið vatni út í pottinn ásamt kjötkrafti, kúmeni og meirani. Látið sjóða við vægan hita í 40 mínútur.

3. Skerið gulrætur, papriku og tómata í litla bita.

4. Bætið gulrótum og paprikum út í pottinn og látið sjóða við vægan hita í 30 mínútur.

5. Kryddið ef með þarf.

Nautakjöt í rjómasósu

Uppskriftin er fyrir fjóra, 4 g af kolvetni í hverjum skammti

2 msk. matarolía
600 g nautakjöt (lund)
salt og pipar eftir smekk
100 g sveppir
100 g beikon
1 msk. smjör
2 msk. beikonostur
1/2 L rjómi

1. Hitið olíuna á pönnnu. Skerið lundina í fallega bita og brúnið í olíunni. Kryddið með salti og pipar. Takið kjötið af pönnunni og geymið.

2. Skerið sveppi í grófar sneiðar og beikon í bita. Bætið smjöri út á pönnuna og steikið beikonð og sveppina á háum hita í u.þ.b. fimm mínútur.

3. Bætið kjötinu út í og hellið rjómanum og ostinum yfir. Hrærið vel í og látið malla í 5-10 mínútur, eða þar til sósan hefur þykknað.

4. Kryddið ef með þarf.

5. Gott er að bera fram gamaldags hvítkálssalat í majónesi með réttinum.

Paprikur með kjötfyllingu

Uppskriftin er fyrir fjóra, ca 15 g kolvetni í hverjum skammti

400 gr nautahakk
1 msk. ólífuolía
1 rauðlaukur
2 hvítlauksrif
1/4 rauður chilipipar
3 msk. mexíkósk kryddblanda (eða chiliduft og kummenduft)
4 msk. tómatmauk
1,5 dl. vatn
1 dós niðursoðnir sveppir eða ca 300 gr ferskir sveppir
4 stórar rauðar paprikur

1. Brúnið kjötið í olíunni

2. Saxið laukinn, pressið hvítlaukinn, skerið sveppina og léttsteikið með kjötinu í þrjár mínútur.

3. Fínsaxið chilipiparinn oig blandið saman við kjötið ásamt kryddi, tómatmauki og vatni. Látið sjðoða við vægan hita í fimm mínútur. Hrærið í af og til.

4. Hlemingið paprikurnar, fjarlægið fræin og sjóðið við mjög vægan hita í léttsöltuðu vatni í þrjár mínútur.

5. Bragðbætið sósuna ef með þarf og fyllið síðan paprikuhelmingana.

Ítölsk kjötsúpa

Fyrir 6 um 10 gr af kolvetnum í skammti.

500. gr nautakjöt
2 Rauðlaukar
2 stórar gulrætur.
2 stilkar sellerí
½ rauð paprika
4-5 hvítlauksrif
1 dós niðursoðnir tómatar (400 gr)
2 dósir tómatpurée (70 gr)
4 tsk rautt pestó
8. dl vatn
olía til steikingar
1 dós sýrður rjómi

Krydd;
4 tsk Oregano.
2 tsk basil.
2-3 tsk svartur pipar.
2 teningar grænmetiskraftur

1. Skerið nautakjötið niður, kryddið með svörtum pipar og steikið.

2. Skerið allt grænmetið niður og steikið það þar til að það er mjúkt

3. Setjið restina í pottinn, fyrir utan sýrða rjómann, og látið malla. Því lengur því betra. Setjið slettu af sýrða rjómanum út á hvern disk áður en borið er fram.

4. Berið fram með fersku salati. Mjög vel gestahæft og börn elska þessa súpu !